Ye mui triste ver cómo se deteriora un horru hasta llegar al esbarrumbu. ¿Quién ye’l responsable de que se llegue a esa situación? Según yo lo veo hai dos responsables directos: los propietarios y el gobiernu. La resonsabilidá de los primeros vien de nun atender al so mantenimientu, lo que pue debese a dos motivos: a que nun puen por falta de perres o a que nun quieren porque nun forma parte de los sos intereses. L’otru responsable, el gobiernu, tien voluntá de conservalos, y asina lo demuestren les normatives pa la so protección, les subvenciones pa la so reforma y mantenimientu, la promoción al so estudiu, etc. Pero, según lo veo, ye mui complicao que’l Principáu puea evitar la ruina y l’esbarrumbu de dalgunu d’estos exemplares. El Principáu nun pue garantizar al cien por cien la protección de tolos horros asturianos: ye un gastu inasumible. ¿Qué se pue facer?
No hay comentarios:
Publicar un comentario
Nota: solo los miembros de este blog pueden publicar comentarios.